پاکستان تے جاپان وچال اجوکے معاشی گانڈے کوں بیا مستحکم بنڑاونڑ اتے تجارتی عدم توازن کوں گھٹ کرنڑ دی لوڑ ہے، چیئرمین سینیٹ محمد صادق سنجرانی دی جاپان دے سفیر تکاشی کورائی نال گالھ مہاڑ

اسلام آباد ۔ 9 اپریل (اے پی پی)چیئرمین سینیٹ محمد صادق سنجرانی آکھے جو پاکستان جاپان دے نال آپنڑیں گانڈھے کوں بہوں اہمیت ڈیندے ، ایں دوستانہ گانڈھے کوں ڈوہائیں ملکاں دے لوکیں دے فیدے اچ مختلف شعبیاں اچ بیا ودھاونڑاں چاہندے ۔ پاکستان اتے جاپان وچال اجوکے معاشی گانڈھے کوں بیا مستحکم بنڑاونڑ دے نال نال تجارتی عدم توازن کو ں گھٹ کرنڑ دی لوڑ ہے ، ڈوہائیں ملکاں وچال تجارتی گانڈھے اچ بہتری کیتے پارلیمانی گانڈھے دا ودھارا بہوں اہم ہے ۔ سینیٹ سیکرٹریٹ ولوں جاری پریس ریلیز دے مطابق انہاں انہاں خیلات دا اظہار پارلیمنٹ ہاس اچ جاپان دے سفیر تکاشی کورائی نال ملاقات دے دوران کیتا۔ صادق سنجرانی آکھیا جو پاکستا ن اتے جاپان وچال عالمی فورمز اُتے ہمیشہ ہک بئے دے نقطہ نظر دی حمایت کیتی ہے ، ڈوہائیں ملکاں وچال پارلیمانی وفود دے تبادلیاں اتے عوامی سطح اُتے گانڈھے دے ودھارے کوں بیا مستحکم بنڑایا ونج سگدے ۔ چیئرمین سینیٹ آکھیا جو جاپان گوادر اچ سرمایہ کاری دے موقعے توں فیدہ چیسی اتے ایں بارے او بلوچستان حکومت دے ذریعے ہر قسم دیاں سہولتاں ڈیونڑ سانگے آپنڑاں کردار ادا کریسن۔