اسلام آباد ۔ 6 اپریل (اے پی پی) پاکستان پاک فضائیہ ولوں افغانستان دی فضائی حدود دی خلاف ورزی تے فضائی حملے متعلق بے بنیاد الزام کوں مسترد کر ڈتا ۔دفترخارجہ دے ترجمان جمعے کوں اتھاں جاری تھیونڑ آلے بیان اچ آکھیا جو پاکستان دی سکیورٹی فوج باجوڑایجنسی (فاٹا) اچ انہاں دہشت گرد گروپاں دے خلاف انسداد دہشت گردی دے اپریشن اچ مصروف ہے جیں اچ محفوظ پناہ گاہیں افغانستان دی سرزمین تے ہن جتھوں او پاکستان تے مسلسل حملے کریندے پن ،انہاں حملیں نال پاکستان اچ لوک جاں بحق تے زخمی تھی ویندن ۔ترجمان آکھیا جو انسداد دہشت گردی اے انہاں اپریشن بارے اچ افغانستان دی سیکورٹی فورسز کوں باقاعدہ بنیاداں تے معلومات ڈتی ویندی پئی اے ۔ترجمان آکھیا راولپنڈی اچ کجھ ڈینھ پہلے ہی ڈوہیں ملکاں دے کنڑی ڈائریکٹرجنرلز ملٹری اپریشنزدی میٹنگ اچ پاکستان انہاں کوں اپریشن دی تفصیل بارے ڈسائے تے انہاں کوں ڈسایا جو اے کاروائیاں پاک افغان سرحد تے پاکستانی سائیڈ تے تھیندیاں پن ،پاکستان افغانستان تے زور ڈیندے جو او افغانستان دی سرحد دے اندر پاک افغان سرحدی علاقیں اچ ایں وسیع خلا جیں دی وجہ توں افغانستان دی سرحد توں دہشت گرد پاکستانی شہریاں تے سیکورٹی فورسز تے حملے کریندن ،کوں پر کرنڑ سمیت انسداد دہشت گردی دے موثر اقدامت کوں یقینی بنڑاونڑ تے اپنڑی توجہ ڈیون ۔
