اسلام آباد ۔ 2 اپریل (اے پی پی) وفاقی وزیر منصوبہ بندی ، ترقی و اصلاحات و داخلہ پروفیسر احسن اقبال مقبوضہ کشمیر اچ بھارتی قابض فوج دے ہتھوں کشمیری نینگراں کوں شہید کیتے ونجنڑ تے ڈکھ تے افسوس دا اظہار کیتے ۔انہاں آکھیا بین الاقوامی برادری کوں انہاں بزدلانہ کاروائیاں دے خلاف آواز چاتے ونجنڑ تے بھارتی فوج دی وحشیانہ کاروائیاں کوں روکیا ونج سگے ۔انہاں آکھیا کشمیریاں دی منصفانہ جدوجہد آزادی کوں دہشت گردی نال رلاونڑ دی بھارتی مذموم کوششاں ناکام تھیسن ۔انہاں آکھیا مقبوضہ کشمیردے بہادر عوام اقوام متحدہ دیاں قرارداداں دے مطابق انہاں دے حق خود ارادیت دے حصول دے مطالبے توں پچھی تے ہنڑ توں مجبور نی کیتا ونج سگدا ۔ انہاں عالمی برادری تے زور ڈتا جو او مقبوضہ کشمیر اچ حقائق دا پتہ لاونڑ آلے بین الاقوامی اداریں دی رسائی سانگے بھارت تے دباﺅ پاوے ۔
