پنجاب اچ ای کریڈٹ سکیم دے تحت ترائے لکھ 14 ہزار توں ودھ چھوٹے کاشت کاراں کوں بلا سود قرضے مل گن

اسلام آباد ۔22اپریل (اے پی پی) پنجاب اچ ای کریڈٹ سکیم دے تحت ترائے لکھ 14 ہزار توں ودھ چھوٹے کاشت کاراں کوں بلا سود قرضے ڈتے گن جڈاں جو سکیم توں 50 ایکڑ تئیں دی زرعی اراضی دے مالک وی فیدہ چا سگدن۔محکمہ زراعت پنجاب آکھیے جو ای کریڈٹ سکیم دے تحت کاشتکاراں کوں بااختیار بنڑاونڑ اتے سماجی و معاشی ترقی کیتے جامع حکمت عملی دے اقدامات کیتے ویندے پن، سکیم دے تحت چھوٹے کاشتکار طبقہ کوں اپنڑے زرعی اخراجات کیتے بلاسود قرضیاں دے ذریعے مالیات تئیں رسائی ہوسی۔