اسلام آباد ۔ 6 اپریل (اے پی پی)چیئرمین سینٹ محمد صادق سنجرانی ایں امید د ااظہار کیتے جو سینٹ دے آونڑ آلے اجلاس اچ سینٹ اچوں فاٹا بارے بل منظور کر گھدا ویسی ، جیندے تحت سپریم کورٹ اتے ہائی کورٹ دا دائرہ کار فاٹا تئیں ودھاونڑ اچ مدد ملسی ، فاٹا دے عوام دی مشکلات دا اساکوں بہوں چنگے طریقے اندازہ ہے اتے اساڈی خواہش ہے جو فاٹا کو ںترقی دے مرکزی دے دھارے اچ گھن آونڑ سانگے وڈی سطح اُتے اصلاحات گھن آیا ں ونجن تا نجو فاٹا دیاں محرومیاں دا ازالہ تھی سگے ۔ اے گالہیں انہاں فاٹا دے ڈو مختلف وفود نال پارلیمنٹ ہاو ¿س اچ انج انج ملاقاتاںاچ آکھیاں ۔ فاٹا دا پہلا وفد سینئر صحافی و تجزیہ نگار سلیم صافی دی سربراہی اچ آونڑآلے یوتھ جرگہ اُتے مشتمل ہئی جڈانجو ڈوجھے وفددی سربراہی جماعت اسلامی دے سینیٹر مشتاق احمد خان کیتی ۔ وفود فاٹا ریفارمز بارے آپ دا نقطہ ءنظر چیئرمین سینٹ دے سامنڑیں بیان کیتا اتے آکھیا جو فاٹا دیاں محرومیاں کوں دور کرنڑ کیتے اصلاحات اُتے نیک نیتی نال عملدرآمدبہوں لازمی ہے اتے سپریم کورٹ اتے ہائی کورٹ دے دائرہ کار کوں فاٹا تئیں وسیع کرنڑ نال اصلاحات دا دروازہ کھل ویسی ۔
