چیئرمین سینٹ محمد صادق سنجرانی نال کیوبا دے سفیر گیبریل ٹیل کیپوٹے دی ملاقات

اسلام آباد ۔ 25 اپریل (اے پی پی) چیئرمین سینٹ محمد صادق سنجرانی آکھیے جو پاکستان اتے کیوبا وچال ڈو طرفہ تعاون ودھاونڑ کیتے رابطیاں کوں ودھایا ونجے ،ایں سانگے پارلیمانی تعلقات، ہکو جھیں دلچسپی اتے بئے معاملیاں اچ گانڈھا ودھنران چاہیدے۔ اے گالھ انہاں اسلام آباد اچ کیوبا دے سفیر گیبریل ٹیل کیپوٹے نال ملاقات اچ آکھی۔ چیئرمین سینیٹ پاکستان ولوں کیوبا نال تعلقات دے ودھارے دی خواہش کریندے ہوئیں آکھیے جو ڈو طرفہ تعلقات بیا ودھنڑے چاہیدن، کیون جو پاکستان اتے کیوبا ہر اوکھے ویلھے ہک بئے دا ہتھ ونڈائے اتے عالمی سطح تے وی مختلف فورمز تے حمایت کیتی اے۔چیئرمین سینیٹ تعلیم، تجارت اتے بئے شعبیاں اچ گانڈھا ودھاونڑ تے زور ڈیندے ہوئیں کیوبا دی حکومت، عوام اتے پارلیمان کیتے نیک خواہشاں دا سنیہڑا ڈتے۔