چیف آف آرمی سٹاف جنرل قمرجاوید باجوہ نال ازبک سکیورٹی کونسل دے سیکرٹری دی قیادت اچ وفد دی ملاقات

راولپنڈی ۔ 18 اپریل (اے پی پی) چیف آف آرمی سٹاف جنرل قمرجاوید باجوہ نال ازبکستان دے صدر دی زیرنگرانی کم کرنڑ آلی سکیورٹی کونسل دے سیکرٹری لیفٹننٹ جنرل محمدوف وکٹر ولادی میرووچ دی قیادت اچ ازبکستان دے حکومتی وفد بدھ کوں اتھاں جی ایچ کیواچ ملاقات کیتی۔پاک فوج دے شعبہ تعلقات عامہ آئی ایس پی آر ولوں جاری بیان دے مطابق ملاقات دے دوران سلامتی دی صورتحال سمیت سانجھی دلچسپی دے امور تے گال بات کیتی گی ۔وفد دہشت گردی دے خلاف جنگ اتے علاقائی استحکام سانگے پاک فوج دیاں مخلصانہ کوششاں اتے قربانیاں دا اعتراف کیتا تے اینکوں سراہیا ۔ازبکستان دے وفد تجارت، رابطہ کاری، سلامتی اتے فوج وچال تعاون سمیت سارے شعبیں اچ ڈو ہیں برادر ملکاں وچال تعلقات تے تعاون دے حقیقی استعداد کار توں استفادہ کرنڑ دی ضرورت تے زور ڈتا ۔آرمی چیف جنرل قمرجاویدباجوہ وفد دے جذبات تے انہاں دا شکریہ اداکیتا تے علاقائی تعاون، امن اتے استحکام سانگے سارے ضروری اقدامات اچ پاکستان ولوں پورے تعاون اتے حمایت دا یقین ڈیوایا۔