کابل اچ ڈو خود کش حملے؛6 صحافیاں سودھے 25 بندے موئن،45 زخمی

کابل ۔ 30 اپریل (اے پی پی) افغانستان دے دارالحکومت کابل اچ تھیونڑ آلے ڈو خود کش بم حملیاں اچ چھی صحافیاں سودھے پنجوی بندے موئن اتے پینتالی زخمی تھی گین۔داعش انہاں حملیان دی ذمہ واری من گھدی اے۔خبررساں اداریاں موجب سونوار دی سویلے کابل دے علاقے شش درک اچ ہک موٹر سائیکل سوار حملہ آورپہلا بم دھماکا کیتے اتے اوندے 15 منٹ بعد ڈوجھا دھماکہ اوں ویلھے کیتا گئے جڈاں حادثے دی جاہ تے چنگے بھلے لوک اتے صحافی کٹھے ہن۔اے ایف پی موجب ڈوجھے دھماکے اچ جانر بجھ تے صحافیاں کوں نشانہ بنڑایا گئے۔وزارت داخلہ دے ترجمان نجیب برطانوی نشریاتی ادارے کوں ڈسائے جو مرنڑ آلیاں اچ 6 صحافی اتے4 پولیس اہلکاروی ہین۔ دھماکے اچ فرانسیسی خبررساں ادارے اے ایف پی دا چیف فوٹو گرافر شاہ مری وی موئے۔حملے دی ذمہ واری داعش قبول کیتی اے۔