کون لیندا پئے مارشل لا؟ سپریم کورٹ دے 17 جج مارشل لاءنہ لگنڑ ڈیسن،چیف جسٹس ثاقب نثار

لاہور۔21 اپریل(اے پی پی )چیف جسٹس سپریم کورٹ میاں ثاقب نثار ملک اچ کہیں وی مارشل لاءدا امکان مسترد کریندے ہوئیں اعلان کیتے جو اینجھے کہیں وی اقدام کوں روکنڑ کیتے سپریم کورٹ اگو کھڑی ہوسی۔لاہور اچ یوم اقبال دی تقریب نال خطاب اچ چیف جسٹس میاں ثاقب نثارعلامہ محمد اقبال کوں خراج عقیدت پیش کریندے آکھیے جو اے ملک وڈیاں قربانیاں اتے کوشش نال ملیے،قائداعظم اتے علامہ اقبال دا تصور جمہوریت ھا، ملک اچ صرف جمہوریت رہسی جڈاں کجھ اینکر آہدن جو مارشل لاءآندا پئے تاں میکوں وڈی حیرت تھیندی اے، کون گھدی آندے مارشل لائ، کون لیسی؟ کیندے اچ اتنی جرات اے؟کیں لاونڑ ڈیونڑے مارشل لا؟ انہاں آکھیے جو عدلیہ مکمل آزاداے،سپریم کورٹ دے 17 ججز مارشل لاءنہ لگنڑ ڈیسن،کہیں جوڈیشل مارشل لاءدا خیال کائنی اے صرف کہیں دے دل دی خواہش تھی سگدی اے ،ماورائے آئین کہیں قسم دا اقدام نہ تھیونڑ ڈتا ویسی۔ انہاں آکھیے جو میں کوئی عوامی چیف جسٹس نئیں ایں ملک اتے قوم دا چیف جسٹس ہاں،جو کجھ کرینداں پیاںاپنڑی ذات کیتے نئیں لوکاں دے حقوق کیتے کرینداں پیاں، کیامیں کجھ غلط کیتے؟ اے سب کجھ قوم دے تعاون نال تھیندا پئے،جڈاں محسوس تھیا قوم حمایت نئیں کریندی پئی تاں کم نہ کریسوں۔