وزیر خارجہ کینیا دے صدر دے خصوصی نمائندے دے طور تے وزیراعظم کوں کینیا دے دورے دی دعوت پجائی
اسلام آباد ۔ 30 اپریل (اے پی پی)کینیادی وزیر خارجہ ڈاکٹر مونیکا جوما دی وزیراعظم شاہد خاقان عباسی نال وزیراعظم آفس اچ ملاقات کیتی۔انہاں دے رلے پاکستان اچ کینیا دے ہائی کمشنر وی ہن ۔کینیا دی وزیرخارجہ کینیا دے صدر دے خصوصی نمائندے دی چور پاکستان دا دورہ کریندی پئین جئیں دا مقصد وزیراعظم کوں کینیا دے دورے دی دعوت پجاونڑ اے۔ملاقات اچ وزیراعظم ایں مہینے دے شروع اچ برطانیہ اچ دولت مشترکہ دے سربراہان حکومت دے اجلاس دے موقع تے کینیا دے صدر نال خوشگوار ملاقات دا ذکر کیتا۔ملاقات اچ آپسی دلچسپی دے عالمی معاملیاں تے گالھ مہاڑ کیتی گئی۔
