پاکستان مسلم لیگ(ن) کارکردگی اتے خدمت دی بنیاد تے انتخابات اچ حصہ گھنسی،عوام پورے جوش تے جذبے نال مسلم لیگ(ن) کوں جتیسن،عوام بہروپیاں اتے وفاداریاں بدلنڑ آلیاں توں بچن اتے الیکشن اچ انہاں کوں اوندا جواب ڈیون،اساں پورے ملک اچ ترقیاتی کماں دا جال وچھائے، ،وزیراعظم شاہد خاقان عباسی دا ماناوالہ اچ گیس فراہمی منصوبہ دی افتتاحی تقریب توں خطاب
شیخوپورہ۔ 25 مئی (اے پی پی) وزیراعظم شاہد خاقان عباسی آکھیا جو پاکستان مسلم لیگ(ن) کارکردگی اتے خدمت دی بنیاد تے انتخابات اچ حصہ گھنسی،عوام پورے جوش تے جذبے نال مسلم لیگ(ن) کوں جتیسن،عوام بہروپیاں اتے وفاداریاں بدلنڑ آلیاں توں بچن اتے الیکشن اچ انہاں کوں اوندا جواب ڈیون،اساں پورے ملک اچ ترقیاتی کماں دا جال وچھائے۔او جمعہ کوں شیخوپورہ ،ماناوالہ اچ گیس ڈیونڑ دے منصوبے دی افتتاحی تقریب توں خطاب کریندے پئے ہن ۔ایں موقع تے وفاقی وزیر برائے دفاعی پیداوار رانا تنویر، رکن قومی اسمبلی عرفان ڈوگر اتے ارکان اسمبلی توں انج عمائدین علاقہ وی موجود ہن ۔وزیراعظم آکھیا جو شیخوپورہ دی عوام جئیں جوش و خروش نال پاکستان مسلم لیگ(ن) کوں یکا جتائے ،او جوش اج وی قائم اے،ڈوجھے شہراں اتے حلقیاں آلی کار جولائی دے عام انتخابات اچ ہک واری ولا ایں علاقہ دی عوام مسلم لیگ(ن) کوں جتیسن۔انہاں آکھیا جو پاکستان مسلم لیگ(ن) پورے ملک اچ ترقیاتی کماں دے جال وچھائن جئیں دی مثال ایں علاقے اچ گزریل پنج سالیں اچ پونڑے ترائے ارب روپے دے منصوبے ہن
