اسلام آباد ۔31 مئی (اے پی پی) محکمہ موسمیات مطابق آندے 4 توں5 ڈینھاں دوران ملک دیاں بہوں ساریاں جہیں ودھ ساری گرمی دی وکیڑ اچ رہسن۔ پنجاب دے نیم پہاڑی علاقیں ، خیبرپختونخوا اتے کشمیر اچ درجہ حرارت 40 ڈگری سینٹی گریڈ توں ودھ راہسی جڈانجو اندرلے سندھ، جنوبی اتے سینٹرل پنجاب اتے مشرقی بلوچستان اچ درجہ حرارت 50 ڈگری سینٹی گریڈ تئیں ودھنڑ دا امکان ہے۔ محکمہ موسمیات دی رپورٹ مطابق (اج) جمعہ توں سمندری ہوائیں چلنڑ دی وجہ نال کراچی دا درجہ حرارت 35 توں37 ڈگری سینٹی گریڈ تئیں گھٹ تھیونڑ دی توقع ہے۔ رپورٹ مطابق آندے 24 گھنٹے دوران ملک دے اکثر علاقیں اچ موسم گرم اتے رکھاجڈانجو سندھ، پنجاب، ڈی اسمعیل خان، سبی اتے مکران ڈویژن اچ موسم ودھ سارا گرم رہ ویسی جتھاں درجہ حرارت 49، نورپورتھل، روہڑی، لسبیلا، تربت 48، پڈعیدن 47، ٹھٹھ اچ 46 ڈگری سینٹی گریڈ ریکارڈ کیتا گے ۔
