اسلام آباد ۔ 9 مئی (اے پی پی) اسلام آباد سمیت صوبہ پنجاب اتے خیبر پختونخواہ دے مختلف علاقیاں اچ زلزلے دے جھٹکے محسوس کیتے گن۔زلزلے نال لاہور، اسلام آباد اتے پشاور دیان عمراتان ہل گین اتے لوک ڈر تے کلمہ پڑھدے ہوئے اپنڑے گھراں، دفتراں اتے عمارتاں توں باہرو نکل آئن۔ریکٹر سکیل تے زلزلے دی شدت 6.4 ریکارڈکیتی گئی جیندا مرکز پاک افغان بارڈرہا اتے ایندی گہرائی زیر زمین 97 کلومیٹرہئی۔ زلزلے دے جھٹکے راولپنڈی، بٹگرام، قائد آباد، بونیر اتے مری، گجرات، گوجرانوالہ، فیصل آباد، ساہیوال، پیر محل، پنڈی بھٹیاں، لوئر دیر، مالاکنڈ، چلاس اتے کوٹلی آزاد کشمیر اچ وی محسوس کیتے گن۔ بھارت، افغانستان، تاجکستان، ایران اتے چین اچ وی جھٹکے محسوس کیتے گن۔
