اسلام آباد ۔22 مئی (اے پی پی)وفاقی وزیر برائے داخلہ، پلاننگ، ڈویلپمنٹ اتے ریفارم احسن اقبال آکھیے جو اعلیٰ تعلیمی سیکٹر پاروں ملک کوں علم آلی معیشت دی راہ تے سٹیا ونج سگدے،سی پیک دے میگا پراجیکٹ اچ اعلیٰ تعلیمی مواقع پیدا کرنڑ دے نال نال پاک۔ یو ایس نالج کوریڈور اتے یو۔کے پاکستان نالج گیٹ وے جھیں منصوبیاںدا اجراءکیتا گئے،پاک۔روس نالج پلیٹ فارم وی تیکھے شروع کیتا ویسی۔اے گالھ انہاں ہائر ایجوکیشن کمیشن ولوں پبلک سیکٹر ڈویلپمنٹ فنڈ دے تحت ہائر ایجوکیشن سیکٹر پراجیکٹس دی کارکردگی بارے جائزہ کیتے وائس چانسلرز دے اجلاس دی صدارت کریندے ہوئے کیتی۔احسن اقبال آکھیا جو ملک دا مستقبل علم تے مبنی معیشت اچ اے،اعلیٰ تعلیم نال ہی ہک محفوظ پاکستان دی ضمانت ڈتی ونج سگدی اے۔ انہاں آکھیے جو گذریل پنج سالاں اچ ڈویلپمنٹ بجٹ اچ بہوں ودھارا تھئے،سال 2012 اچ اے 12 ارب روپے ہا جڈاں جو ہنڑ اے بجٹ 47 بلین روپے تئیں پج چکیے۔
