برسلز ۔ 17 مئی (اے پی پی) اقوام متحدہ دے سیکرٹری جنرل انتونیو گوتریش آکھیے جو اقوام متحدہ ایرانی جوہری معاہدے دے تحفظ سانگے یورپی یونین ولوں کیتیاں ونجنڑ آلیاں کوششاں دی پوری حمایت کریندی اے ۔عالمی ذرائع ابلاغ دے مطابق اقوام متحدہ دے سیکرٹری جنرل نےبرسلز اچ یورپی یونین دے ہیڈ کواٹرز دا دورہ کیتا تے یورپی یونین دے کمیشن دے چیئر مین جین کلاڈ جنکرتے یورپی یونین دی خارجہ اتے سکیورٹی پالیسی دی سربراہ فیڈریکا موگرینی نال ملاقات کیتی۔ ملاقات دے بعد مشترکہ پریس کانفرنس اچ انتونیو گوتریش آکھیا جو اساں خطر ناک دنیا اچ رہندوں ۔کئی سالاں اچ پہلی واری جوہری ہتھیاراں دے عدم پھیلاﺅ دے نظام تے سوال چاتا گے ۔انہاں آکھیا جو کثیرالطرفہ انتظامی نظام اتے قانون دے مطابق عالمی تعلقات دی حکمرانی دا تحفظ بہوں ضروری ثابت تھے ۔ انہاں ایں لحاظ نال یورپی یونین دے کردار کوں سراہیا تے زور ڈتا جواقوام متحدہ یورپی یونین ولوں ایرانی جوہری معاہدے دے تحفظ سانگے کوشش دی پورے طور تے حمایت کریندی اے ۔
