تنقید برائے تنقید دی بجائے ساریں کوں ہک ڈوجھے دا احترام کرنڑاں چاہیدے، وفاقی وزیر قانون محمود بشیر ورک

اسلام آباد ۔ 9 مئی (اے پی پی) وفاقی وزیر قانون محمود بشیر ورک آکھیے جو تنقید برائے تنقید دی بجائے ساریں کوں ہک ڈوجھے دا احترام یقینی بنڑاونڑاں چاہیدے ۔ بدھ کوں قومی اسمبلی اچ نواب علی وسان ولوں چاتے گے کجھ نکات دے جواب اچ وزیر قانون محمود بشیر ورک آکھیا جو ساریاں پچھلیاں گالھیں بھل ونجو تے رل تے نویں سفر دا آغاز کرو ،اساکوں ہک ڈوجھے دی عزت کرنڑیں چاہیدی اے ۔سپیکر آکھیا اے گال درست اے جو اساکوں ہک ڈوجھے دی عزت کرنڑیں چاہیدی اے ۔