اسلام آباد ۔ 2 مئی (اے پی پی) وفاقی وزیر داخلہ منصوبہ بندی و اصلاحات پروفیسر احسن اقبال آکھیے جو حکومت دے بہتر اقدامات پاروں پاکستان اچ انسانی وسائل دے شعبے اچ بہتری آئی اے ،کہیں وی شعبے اچ نینگر ودھ محنت تے جذبے نال کم کریندن ،پر اعتماد نینگر نسل ملک دی ترقی اچ موثر کردار اداکریندی اے ۔اے گال انہاں اقوام متحدہ ولوں انسانی وسائل دی ترقی بارے اچ رپورٹ دے اجراءدے موقع تے خطاب کریندے ہوئیں آکھی ۔ وفاقی وزیر داخلہ آکھیا یو این ڈی پی رپورٹ دے مطابق پاکستان اچ انسانی وسائل دے شعبے اچ بہتری آئی اے ۔انہاں آکھیا کہیں وی شعبے اچ نینگر محنت تے جذبے نال کم کریندن ۔وزیر داخلہ احسن اقبال آکھیا جو مثبت سوچ نال کامیابی مقدر بنڑ ویندی اے ،منفی سوچ آلے پچھوں رہ ویندن ،انہاں آکھیا نینگر نسل عالمی سطح تے ملک دا بہتر تشخص نشابر کر سگدی اے ۔نینگراں کوں احساس کمتری اچ مبتلا نی تھیونڑاں چاہیدا ،مثبت سوچ کوں اپنا تے اساکوں ملک دی ترقی سانگے کم کرنڑاں اے ۔انہاں آکھیا نینگراں سانگے بہتر مستقبل کیتے ہائیر ایجوکیشں کمیشن دا بجٹ 35ارب روپے توں ودھا تے 47 ارب روپے کرڈتاگے۔آندے بجٹ اچ 400 نویں تے ووکیشنل ٹریننگ سینٹر تے 100 نویں سٹیڈیمز سانگے فنڈز رکھیے گن ۔ انہاں آکھیا لیپ ٹاپ فار آل سکیم تے کم کریندے پیوں تاں جو ہر یونیورسٹی ، سٹوڈنٹس کوں لیپ ٹاپ مل سگے۔ انہاں آکھیا نینگراں کوں ڈیجیٹل انقلاب سانگے تیار کرنڑاں حکومت دی پہلی ترجیح اچ شامل اے ۔
