سینیٹ اچ مختلف سیاسی جماعتاں توں تعلق رکھنڑآلے رکنا ں دی وزیر داخلہ احسن اقبال اُتے حملے دی شدید مذمت

اسلام آباد۔ 07 مئی(اے پی پی) سینیٹ اچ مختلف سیاسی جماعتاں توں تعلق رکھنڑآلے ارکان وزیر داخلہ پروفیسر احسن اقبال اُتے حملے دی شدید مذمت کریندے ہوئیں ایں حملے کوں جمہوریت اُتے حملے دے برابر قرارڈتے ۔سنوار کوںایوان بالا دے اجلاس اچ قائد حزب اختلاف سینیٹر شیری رحمان وزیر داخلہ پروفیسر احسن اقبال اُتے حملے اُتے افسوس دا اظہار اتے ایندی مذمت کریندے ہوئیں آکھیا جو وزیر داخلہ احسن اقبال دا جمہوریت بارے بہوں اہم کردار ہے جیندی تعریف کریندے ہئیں۔ وزیر داخلہ دی سکیورٹی بہتر ہونڑیں چاہیدی ہئی ۔ اے ووٹاں توں پہلے حملہ ماحول کو ںآلودہ کرنڑ اتے خوف دی فضا پیدا کرنڑ دی کوشش ہے ۔ سیاسی جماعتاں ایں طرح کائناں تھیونڑ ڈیسن ۔ اساں جمہوری عمل کوں اگوں گھن تے ویسوں ، اتے کہیں بزدل اتے لُک تے حملہ کرنڑآلیاں کوں جمہوریت اُتے وار دی اجازت کائناں ڈیسوں، اتے کہیں سیاسی رہنما اُتے حملہ جمہوریت اُتے حملہ قرار ڈتا ویسی ۔ انہاںآکھیا جو مقبوضہ کشمیر دے حوالے نال قرارداداں پاس تھیندیاں ہن جڈانجو عمل کائنی کیتا ویندا۔ سینیٹر اعظم سواتی مذمت کریندے ہوئیں آکھیا جو امید ہے جو احسن اقبال جمہوریت کیتے جدوجہد جاری رکھیسن۔ ساری قوم ملک دے مفاد دے خلاف کم کرنڑآلیاں دے خلاف ہک مٹھ ہے ۔ انہاںمقبوضہ کشمیر اچ مظالم دی وی مذمت کیتی۔سینیٹر میاں رضا ربانی واقعے دی مذمت کیتی اتے آکھیا جو احسن اقبال دا جمہوریت کیتے کردار اہم ریہا ہے۔ کجھ طاقتاں چاہندیاں ہن جو افراتفری پیدا تھی ونجے اتے ووٹ ملتوی تھی ونجن ۔ گزریل ووٹاں اچ کجھ جماعتاں کوں ایں طرح دی صورتحال دا سامنڑاں ہئی۔ مشتاق احمد خان آکھے جو ہ احسن اقبال اُتے حملے دی مذمت کریندے ہئیں۔ ڈاکٹر سکندر میندھرو اتے انوار الحق کاکڑ وی واقعے دی مذمت کیتی۔ جہانز یب جمالدینی آکھیا جو اے خطرناک سلسلے دی ابتداءہے اساں کوں ایں کوں روکنڑ سانگے رل تے سوچنڑاں ہوسی ۔ ساریاں غیر جمہوری طاقتاں دے خلاف ایںایوان کوں متحد ہونڑاں چاہیدے ۔ جیکر وزیر داخلہ محفوظ کائنی تاں اساں اچوں وی کوئی محفوظ کائنی ۔ انہاں آکھیا جو مقبوضہ کشمیر اچ زیادتیاں تھیندیاں پن ۔ اساکوں آپ دیاں خارجہ پالیسیاں اُتے نظرثانی کرنڑیں چاہیدی ہے ۔ ارکان پارلیمان دی سیکیورٹی سانگے خصوصی اقدامات کرنڑیں چاہیدے ہن ۔ لیفٹیننٹ جنرل (ر) عبدالقیوم آکھیا جو ایندی وجوہات اُتے غور کرنڑاںچاہیدے جو ایں طرح دا واقعہ کیوں تھئے ۔ معاشرے اچ انتہا پسندی اتے عدم برداشت ہے‘ سیکیورٹی دی صورتحال چنگی ضروری تھئی ہے جڈانجو اساں کوں ولا وی احتیاط کرنڑیں چاہیدی ہے ، دشمن وی حالات دا فیدہ چاءسگدے اتے جمہوری عمل کوں پٹڑی توں لہاونڑ دی کوشش وی تھی سگدی ہے ۔ رضا ربانی دی تجویز نال اتفاق کرینداں جو اساکوں ہوش نال کم گھن تے اتے سیاسی وابستگی توں ہٹ تے سوچنڑاں ہوسی ۔ سینیٹر رحمن ملک احسن اقبال اُتے حملے دی مذمت کریندے ہوئیں آکھیا جو اے ہک وزیر یا حکومتی رکن اُتے نہیں جڈانجو ساری قوم اُتے حملہ ہے۔ اے او سوچ ہے جیندے خلاف اساں لڑدے پئے ہئیں۔ غیر ملکی انٹیلی جنس ادارے رل تے پاکستان کوں عدم استحکام دا شکار کرسگدے ہن ۔ چیف جسٹس سکیورٹی دے حوالے نال آپنڑیں احکامات اُتے نظرثانی کرن۔ جنہاں کوں تحفظ دی لوڑ ہے انہاں کوں سکیورٹی فراہم کیتی ونجے ۔ انہاں آکھیا جو میکوں مستقبل اچ دہشت گردی ودھدی ہوئی نظر آندی پئی ہے ۔