اسلام آباد ۔31 مئی (اے پی پی) صدر مملکت ممنون حسین 25 ویں آئینی ترمیم تے دستخط کرڈتن جیندے بعد قبائلی علاقے صوبہ خیبر پختونخوا دا باقاعدہ حصہ بنڑ گین۔ صدر مملکت ایں موقعے تے قبائلی عوام کوں آئینی حقوق ملنڑ، ترقی اتے خوشحالی دے در کھلنڑ تے مبارکباد ڈتی اے۔ایں سانگے آئینی ترمیم تے دستخط دی خمیس کوں ایوان صدر اچ ہک تقریب تھئی جیندے اچ گورنر خیبر پختونخوا اقبال ظفر جھگڑا، فاٹا ریفارم کمیٹی دے سربراہ سرتاج عزیز، نیشنل سکیورٹی ایڈوائزر جنرل(ر)ناصر جنجوعہ اتے وزیر اعظم دے مشیر بیرسٹر ظفراللہ خان وی موجودہن۔صدر مملکت آکھیے جو خیبر پختونخوا اچ قبائلی علاقیاں دا انضمام ہک تاریخ ساز واقعہ اے جیکوں کامیاب بنڑاونڑ کیتے ہر کہیں کوں رل مل تے کم کرنڑاں چاہیدے۔
