فیض آباد دھرنے دے حوالے نال 27 مقدمے درج ‘ 418 ملزماں کوں گرفتار کیتا گیا، معاملہ عدالت اچ ہے،وزیر مملکت داخلہ طلال چوہدری

اسلام آباد ۔ 29 مئی (اے پی پی)وزیر مملکت داخلہ طلال چوہدری آکھے جو فیض آباد دھرنے دے حوالے نال 27 مقدمے درج کیتے گئے ،جنہاںوچوں 12 مقدمات انسداد دہشتگردی ایکٹ دے تحت ہن‘ 418 ملزمان کوں گرفتار کیتا گیا‘ کجھ کیساں دے چالان مکمل ہن۔ منگل کوںقومی اسمبلی اچ غلام سرور خاں دے توجہ مبذول نوٹس تے وزیر مملکت ایوان کوں ڈسایا جو ایں دھرنے دی وجہ ایوان دا متفقہ بل بنڑا ہا ۔ بل تے بعد اچ سیاسی مقاصد سانگے پوائنٹ سکورنگ شروع تھی گئی ۔ ایں واقعہ دے بعد پاکستان مسلم لیگ (ن) کوں خاص طور تے نشانہ بنڑایا حالانکہ ایں بل اچ پارلیمان دیاں ساریا ںسیاسی جماعتاں دی مشاورت شامل ہائی،ایہہ تئیں جو ہک رکن آلی جماعت وی بل دا حصہ ہائی تاں جو ایں بل دے حوالے نال ساری کوتاہی دی ذمہ داری مسلم لیگ (ن) تے پاتی گئی۔ انہاں آکھیا ہا جو کہیں بندے ایہ اندازہ کائنی لاتا ہاجوا یہ صرف ووٹ دا معاملہ نی بلکہ ایندے اثرات پاکستان تے وی پوسن۔ انہاں آکھیا جو فیض آباد دھرنے دے حوالے نال 27 مقدمات درج کیتے گئے ہن جنہاں وچوں 12 مقدمے انسداد دہشتگردی ایکٹ دے تحت ہن‘ 418 ملزماں کوں گرفتار کیتا گیا‘ کجھ کیساں دے چالان مکمل ہن۔ نامکمل چالان وی عدالت اچ موجودہن‘ کجھ ملزم جیل اچ ہن اتے کیس عدالتاں اچ چلدے پن۔ انہاں آکھیا جو اسلام آباد ہائی کورٹ اتے ہنڑ سپریم کورٹ وی ایں ضمن اچ کیس چلدے پن ۔ایہ معاملہ عدالت اچ ہے اتے ایندے تے ہنڑ رائے نی ڈتی ونج جا سگدی۔ ہک ضمنی سوال دے جواب اچ انہاں آکھیا جو لوک ایں ہاﺅس اچ حلف چاتے وی کوڑ ماردن اتے کافر دے سرٹیفکیٹ ونڈڑدی کوشش تھیندی ہے۔ انہاں آکھیا جو سارا ہنگامہ فیض آباد چوک اچ تھیا جتھاں میٹرو سٹیشن سمیت اہم قومی تنصیبات اتے دفتر واقع ہن۔ محض سیاسی مخالفت اتے بدنیتی تے مبنی بیان ڈیونڑ توں بچیا ونجے۔