اسلام آباد۔ 29 مئی(اے پی پی) قومی اسمبلی دا اجلاس (اج) بدھ دی سویل یاراں وجے تئیں ملتوی کرڈتا گئے ۔ منگل کوں قومی اسمبلی اچ توجہ مبذول نوٹس دے موقع تے تحریک انصاف دی رکن ساجدہ بیگم کورم دی نشاندہی کرائی۔ گنتی کرنڑ تے کورم پورا نہ نکلیا جیندے بعد ڈپٹی سپیکر مرتضیٰ جاوید عباسی اجلاس کجھ دیر سانگے ملتوی کرڈتا۔ بعد اچ اجلاس جڈاںدوبارہ شروع تھیا تاں ڈپٹی سپیکر گنتی کراونڑ دا حکم ڈتا۔ ارکاناں دی مطلوبہ تعداد پوری نہ ہونڑ پاروں ڈپٹی سپیکر آکھیا جو آندے ڈوڈینھاں دے وقفہ سوالات کائناں تھیسن۔ ایندے نال ہی انہاں قومی اسمبلی دا اجلاس (اج) بدھ دی سویل یاراں وجے تئیں ملتوی کرڈتا۔
