اسلام آباد ۔ یکم مئی (اے پی پی) چیئرمین سینٹ محمد صادق سنجرانی آکھے جو قومی ترقی دا خواب مزدوراں دی خوشحالی کوں یقینی بنڑاونڑ دے بغیر حاصل نہیں کیتا ونج سگدا۔ منگل کوں عالمی یوم مزدور دے موقعے تے آپنڑیں ہک پیغام اچ چیئرمین سینٹ آکھیا جو پارلیمنٹ سمیت سارے اداریاں کوں مزدوراں دے قوانین اُتے عملدرآمد کوں یقینی بنڑاونڑ کیتے نہ صرف انہاں دے حقوق دی حفاظت بارے جڈانجو کارکناں دی سماجی اتے اقتصادی ترقی کیتے سانجھیاں کوششاں کوں تیز کرنڑ دی لوڑ ہے ۔ چیئرمین سینٹ محمد صادق سنجرانی آکھیا جو بانی پاکستان قائداعظم محمد علی جناح کارکناں دے حقوق کیتے جدوجہد کیتی اتے مزدوراں دے حقوق دی حفاظت کیتے پارلیمان توں ابتدائی قنون دی منظوری ڈتی اتے بعداچ پارلیمان کارکناں دی فلاح وبہبود کیتے قنون سازی کوں جاری رکھیا۔
