اسلام آباد ۔ 20 مئی (اے پی پی) وزیر داخلہ احسن اقبال آکھے جو شہیدکرنل سہیل قوم دے بہادرپُتر ہن جنہاں ملک تے قوم دی حفاظت سانگے آپنڑیں جان دا نذرانہ پیش کیتا۔انہاں اے گالھ کرنل سہیل عابد شہید دی رہایش گاہ اُتے آکھی ۔ وزیرداخلہ شہید دے لواحقین نال تعزیت کیتی اتے انہاں کیتے صبر جمیل دی دعامنگی ۔ وزیر مملکت برائے کیڈ طارق فضل چوہدری وی انہاں دے نال ہن ۔انہاں آکھیا جو اساڈی سیکورٹی فورسز دہشتگردی دے خلاف جنگ اچ لازوال قربانیاں ڈتیاں ہن اتے شہیداں دیاں قربانیاں رائیگاں کائناں ویسن۔ وزیرداخلہ آکھیا جو پاکستان نال نفرت دا خاتمہ اولین ترجیح ہے ۔ وزیرداخلہ پروفیسر احسن اقبال قبرستان وی گئے اتے کرنل سہیل شہید دی قبراُتے فاتحہ وی پڑھیا۔
