مسلم لیگ (ن) اپنڑے منشور اتے نواز شریف دے وژن دے مطابق پوری دنیا اچ پاکستان دے مفادات کوں اگی تے ودھائے ‘ چین دے نال اساڈے تعلقات اچ معاشی گہرائی نال پاکستان کوں آندے سالاں اچ فائدہ تھیسی وفاقی وزیر انجینئر خرم دستگیر

اسلام آباد ۔ 16 مئی (اے پی پی) وفاقی وزیر انجینئر خرم دستگیرآکھیے جو مسلم لیگ (ن) اپنڑے منشور اتے نواز شریف دے وژن دے مطابق پوری دنیا اچ پاکستان دے مفادات کوں اگی تے ودھائے،اساں خطے دے ہمسایہ ملکاں کوں ڈیکھدے ہوئیں علاقائی نو پیمانہ بندی کیتی اے ،چین دے نال اساڈے تعلقات اچ معاشی گہرائی آئی اے ،ایندے بہوں سٹریٹجک مضمرات ہن ،جیں نال آندے سالاں اچ پاکستان کوں فائدہ تھیسی ۔ بدھ کوںقومی اسمبلی اچ دفاع متعلق کٹوتی دی تحریک تے بحث سنبھیندے ہوئیں انہاں آکھیا جو وسطی ایشیائی ملکاں دے نال اساڈے تعلقات اچ وسعت آئی اے ،انہاں دے نتیجے اچ کاسا ون 1000تے تاپی جیہوجے منصوبیں اچ تیزی آئی اے اگر افغانستان اچ امن آیا تاں وختی پورے تھی ویسن ۔ایں دوران پاکستان کو ںشنگھائی تعاون تنظیم دی رکنیت ملی جیرھی جو اساڈی وڈی کامیابی اے ۔وزیر دفاع آکھیا جو افغانستان اچ قیام امن تے استحکام سانگے پاکستان تے افغانستان دے نال مسلسل رابطے اچ ہے ۔پچھلے چھی مہینے توں اشرف غنی دے نال نویں سرے توں مذاکرات دا آغاز کیتے جیں اچ پاکستان شامل اے ۔اجوکے سال 1829مختلف مکاتب فکر دے پاکستانی علما کرام دہشت گردی دے خلاف واضح فتویٰ جاری کیتے ۔انہاں آکھیا وزیراعظم جیرھی جرات نال کشمیر دا مسئلہ سفارتی ،ڈو پاسے تے کثیر الجہتی فورمز تے چاتے ایندی مثال کائنی ملدی ۔یورپی ملکاں نال اساں تعلقات ودھائے ۔