اسلام آباد ۔ 26 مئی (اے پی پی) وزیراعظم شاہدخاقان عباسی آکھے جو ملتان سکھر(ایم فائیو) موٹروے پاکستان اتے چین وچال یاری اتے تعاون دی ہک وڈی مثال اتے علاقہ اچ تعاون اتے یاری کوںحقیقت اچ بدلن دے سانجھے وژن دی عکاسی ہے۔ وزیراعظم انہاں خیالین دا اظہارملتان سکھرموٹروے دے پہلے حصے دے افتتاح دے بعد ملتان شجاع آباد انٹرچینج توں 35کلومیٹردورمنصوبہ تے مصروف پاکستانی اتے چینی انجنئیراں نال خطاب کریندے ہوئیں کیتا۔ چین اچ پاکستان دے سفیریاوژنگ اتے این ایچ اے حکام وی ایںموقع تے موجود ہن۔وزیراعظم آکھیا جوا یہ منصوبہ خطے وچال وڈے رابطیاں دے چینی صدر دے وژن دی عکاس ہے ، پاکستان مسلم لیگ ن دے سپریم لیڈر میاںنوازشریف وی ایہا سوچ اتے عزم رکھیندن، اتے ایںسوچ کوںعملی جامہ وی پوایا ویندا پئے ۔وزیراعظم آکھیا جو2020ءتئیں کراچی کوںپشاورتوںموٹروے دے ذریعے ملاونڑ پاکستان مسلم لیگ ن دی قیادت داوژن ہا، انشاءاللہ 2020ءاچ پشاورتوں موٹروے مکمل بنڑ ویسی۔وزیراعظم آکھیا جو این فائیو دے پہلے مرحلے داافتتاح انہاں سانگے اعزازدی گالھ ہے اتے اوہ ایندے تے چین دی حکومت ، بنک آف چائنا اتے چین دی سرکاری تعمیراتی کمپنی دا شکریہ ادا کریندن۔وزیراعظم آکھیا جو 2013ءاچ پاکستان مسلم لیگ ن جڈاں اقتدارسانبھیا تاں ملک کوں نجلی اتے گیس اچ گھٹکی دے مسئلیاں داسامنڑاں ہا ، مسلم لیگ ن دی حکومت 5سالاں اچ قومی گرڈ اچ 10400میگاواٹ داودھارا کیتے جڈانجو گھریلوں اتے صنعتی صارفاں دیاں ضرورتاں کوںپوراکرنڑ سانگے گیس ڈیونڑ تے توجہ ڈتی گئی۔ وزیراعظم آکھیا جو پاکستان مسلم لیگ ن دی حکومت میگامنصوبیں سانگے اقتصادی موزونیت، بین الاقوامی ماحولیاتی معیارڈیونڑ اتے شفافیت تے توجہ ڈتی۔ایں موقع تے خطاب کریندے ہوئیں پاکستان اچ چین دے سفیریاوجنگ سکھرملتان موٹروے دے پہلے حصہ پورا مکمل تھیونڑ تے خوشی دااظہارکریندے ہوئیںپاکستانی اتے چینی انجنئیرزد ے کم دی تعریف کیتی۔چینی سفیر آکھیا جوایںمنصوبہ توں واضح تھیندا پئے جو چین پاکستان اقتصادی راہداری دا منصوبہ حقیقت اچ بدلدا پئے۔انہاں آکھیا جو پاکستان اتے چین وچال تعلقات اتے تعاون دی سطح نویاں بلندیاں تے پجدیاں پن ۔
