اسلام آباد ۔ 16 مئی (اے پی پی) وفاقی وزیر پارلیمانی امور شیخ آفتاب احمد آکھیے جو ملک اچ بجلی وافر مقدار اچ موجود اے‘ سسٹم اچ 10 ہزار میگاواٹ بجلی ودھائی گی اے ،کراچی اچ بجلی تے گیس دے مسلیں دے حل سانگے سنجیدہ کوششاں کیتیاں گیاں ۔بدھ کوں قومی اسمبلی اچ ایم کیو ایم دے رکن اسمبلی شیخ صلاح الدین ولوں کٹوتی تحریکاں دے دوران چاتے گے نکتے دا جواب ڈیندے ہوئیں انہاں آکھیا جو جڈاں موجود ہ حکومت اقتدار اچ آئی تاں ملک اچ 18گھنٹے دی لوڈشیڈنگ ہئی ،صنعتاں بند ہن ،بجلی دے نال نال گیس دی وی لوڈ شیڈنگ تھیندی پئی ہئی ۔انہاں آکھیا مسلم لیگ ن اقتدار اچ آئی تاں سنجیدہ کوششاں کیتیاں ،سی پیک دے تحت توانائی دے منصوبیں کوں وختی پورا کیتا گیا ،انہاں اقدامات پاروں سسٹم اچ 10ہزار میگاواٹ بجلی ودھائی گی ۔ وفاقی وزیر ایوان کوں ڈسایا جو کے الیکٹرک دے مسلیں دے حل سانگے حکومت سنجید کوشش کیتی ۔ قومی اسمبلی دی متعلقہ کمیٹی دے ارکان دے علاوہ نیپرا دی ٹیم کوں کراچی بھیجا گیا تاں ایندے علاوہ وزیراعظم خود خود وی کراچی گے ہن۔
