ملک دی ترقی اچ کارکنوں دی محنت دا عنصر شامل ہے اتے ملک دی تیز اتے پائیدار معاشی ترقی اچ افرادی قوت دا کردار مثالی ہے، وزیراعظم شاہد خاقان عباسی

اسلام آباد ۔ یکم مئی (اے پی پی) وزیراعظم شاہد خاقان عباسی”یوم مئی“ دے حوالے نال کارکناں دے حقوق دے تحفظ دا اعادہ کریندے ہوئیں آکھے جو حکومت ایں گالھ اُتے یقین رکھیندی ہے جو صرف صحت مند، تعلیم یافتہ اتے چنگا معاوضہ حاصل کرنڑآلی افرادی قوت ملک دی سماجی اتے اقتصادی ترقی دے اہداف دے حصول کو ںیقینی بنڑاسگدی ہے ۔ یوم مئی دے حوالے نال وزیراعظم آپ دے پیغام اچ آکھے جو ملک دی ترقی اچ کارکناں دی محنت دا عنصر شامل ہے اتے ملک دی تیز اتے پائیدار معاشی ترقی اچ افرادی قوت دا کردار مثالی ہے۔ انہاں ملک دی افرادی قوت کوں یقین ڈیوایا جو وفاقی حکومت صوبائی حکومتاں دے تعاون اتے سانجھ نال کارکناں دے ٹبراں دی فلاح وبہبود اتے ترقی سانگے سارے ممکنہ اقدامات سانگے پرعزم ہے تانجو انہاں دے معیار زندگی کوں بیا بہتر بنڑایا ونج سگے ۔ انہاں آکھیا جو اساکوں پورا یقین ہے جو صرف صحت مند، تعلیم یافتہ ، پریشانیاں توں آزاد اتے چنگا معاوضہ حاصل کرنڑآلی افرادی قوت پاکستان دی سماجی اتے معاشی ترقی دی صلاحیت توں فیدے کوں یقینی بنڑا سگدی ہے ۔ وزیراعظم دا بیا آکھنڑ ہئی جو قومی ترقی اچ مزور اتے مالکاں دیاں سانجھیاں کوششاں چنگیاں ثابت تھی سگدیاں ہن ۔ وزیراعظم آکھیا جو پاکستان شکاگو دے مزدوراں دیاں قربانیاں کوں خراج تحسین پیش کرنڑ سانگے عالمی برادری دیاں کوششاں اچ شریک ہے جنہاں کم دے مناسب اوقات اتے بنیادی حقوق دے حصول سمیت بہتر معاووضے سانگے آپ دیاں جاناں دی قربانی ڈتی۔