نویں اسلام آباد ایئر پورٹ نال نہ صرف وفاقی دارالحکومت جڈانجو خیبر پختونخوا اتے پنجاب دے وڈے حصیاں کیتے وی فضائی سفر اچ سہولت موجود ہوسی ، وزیراعظم شاہد خاقان عباسی

اسلام آباد ۔ یکم مئی (اے پی پی) نئے اسلام آباد ایئر پورٹ نال نہ صرف وفاقی دارالحکومت جڈانجو خیبر پختونخوا اتے پنجاب دے وڈے حصیاں کیتے وی فضائی سفر اچ سہولت موجود وہوسی ، وزیراعظم دے مشیر برائے ہوا بازی سردار مہتاب دی قیادت اچ سول ایوی ایشن اتھارٹی( سی اے اے) منصوبے کوں ہک چیلنج سمجھ تے پورا کیتے جیندے تیجے اچ اج ہک عالمی میعار دا ایئر پورٹ حقیقت دے روپ اچ سامنڑیں ہے ، نویں اسلام آباد ایئر پورٹ نال ملک دے بئے ہوائی اڈیاں اُتے مستقبل دی لوڑ دے مطابق معیاری خدمات دی فراہمی اچ رہنمائی ملسی ۔ وزیراعظم شاہد خاقان عباسی منگل کو ں نویں اسلام آباد ایئر پورٹ دا افتتاح کریندے ہوئیں آکھیا جو سی اے اے اتے فضائی سفر اج دے دور دی لوڑ ہے اتے کہیں وی ملک دی ایوی ایشن نہ صرف آپنڑیں ملک دی ثقافت دی عکاس ہوندی ہے جڈانجو اے اقتصادی ترقی دا دروازہ وی ہے ، جیندے نال ملک اچ معاشی ترقی دی عکاسی تھیسی ۔ انہاں آکھیا جو نویں ایئر پورٹ دی تکمیل نال گزریل پنج سالیں دے دوران حکومت دی کارکردگی دا اظہار تھیندے ، اے منصوبہ سی پیک دے روڈ دے نزدیک ترین ہے جیندے نال ایندی فادیت بئی ودھ ویندی ہے ۔ انہاں آکھیا جو اج ایں ایئر پورٹ دا افتتاح تھئے جڈانجو ماضی اچ ملتان اتے فیصل آباد دے ایئر پورٹس اُتے جدید ترین سہولتاں دی فراہمی بارے انہاں اچ توسیع دا کم پورا کیتا گئے جڈانجو کوئٹہ تے پشاور ایئر پورٹس اُتے توسیع منصوبہ بہوں تکھے پورا کر گھدا ویسی ۔ ایں طرح لاہور ایئر پورٹ اُتے 500 ملین ڈالر دی لاگت نال توسیع منصوبے کوں شروع کیتا ویندا پئے ایندے نال نال جاری سال دے دوران ہی گوادار ایئر پورٹ اُتے وی کم شروع کر ڈتا ویسی ۔ انہاں آکھیا جو سیالکوٹ دا ایئر پورٹ جیکر عالمی سطح اُتے کائنی تاں ریجن نجی شعبہ دے زیر انتظام چلایا ونجنڑآلا کامیاب ترین منصوبہ ہے جیکوں وسیع کیتا گئے ۔ انہاں ہدایت کیتی جو ملک اچ ایوی ایشن دی پالیسی کوں بیاں آسان بنڑایا ونجے اتے پالیسی سازی دے وقت ایں گالھ کوں پیش نظر رکھتا ونجے تانجو فضائی مسافراں اتے ایئر لائنز کوں سہولتاںموجود ہوون ۔ انہاں آکھیا جو سی اے اے اسلام آباد، خیبر پختونخوا اتے پنجاب دے عوام کو ںجدید ترین ایئر پورٹ ڈتے جیہڑا جو علاقے دی ترقی اچ اضافہ اتے روزگار دی فراہمی اچ مدد ڈیسی ۔ ایندے علاوہ یہ ایئر پورٹ ملک دی ترقی اچ وی مدد ڈیسی۔ تقریب اچ وفاقی وزیر اطلاعات ونشریات مریم اورنگزیب، وفاقی وزیر داخلہ احسن اقبال،کیڈ ڈویژن دے وفاقی وزیر طارق فضل چوہدری قومی اسمبلی دے ڈپٹی سپیکر مرتضی جاوید عباسی،گورنر پنجاب رفیق رجوانہ، گورنر خیبر پختونخوا قبال ظفر جھگڑا،مشیر ہوا بازی سردار مہتاب احمد عباسی اتے میئر اسلام آباد شیخ انصر عزیز سمیت سول ایوی ایشن اتھارٹی اتے مختلف اداریاں دے اعلیٰ حکام وی موجود ہن ۔ ایں موقعے تے وزیراعظم منصوبے دی تکمیل سانگے خدمات سرانجام ڈیونڑآلے حکام،اہلکاراں کوں شیلڈز وی ڈتیاں۔