نیب دے نوٹس دی تحقیقات سانگے پارلیمانی کمیٹی دے قیام دا مقصد کہیں ادارے دی اتھارٹی یا اختیارات کوں چیلنج کرنڑ کائنی‘ حقائق قوم دے سامنڑے گھن آونڑیں چاہیدن ،وفاقی وزیر پارلیمانی امور شیخ آفتاب

اسلام آباد ۔ 9 مئی (اے پی پی) وفاقی وزیر پارلیمانی امور شیخ آفتاب احمدآکھیا جو نیب دے نوٹس دی تحقیقات سانگے پارلیمانی کمیٹی دے قیام دا مقصد کہیں ادارے دی اتھارٹی یا اختیارات کوں چیلنج کرنڑ کائنی‘ حقائق قوم دے سامنڑے گھن آونڑیں چاہیدن ۔ بدھ کوں قومی اسمبلی اچ پارلیمانی کمیٹی دے قیام دی تجویز تے اظہار خیال کریندے ہوئیں وفاقی وزیر شیخ آفتاب احمد آکھیا جو ادارے ہیں پارلیمنٹ توں اختیارات گھندے ہن ۔ ایں وقت ملک اچ خوف و ہراس دی صورتحال اے۔ سرکاری ادارے فیصلے کرنڑ توں گریزاں ہن۔ اے معاملہ پارلیمنٹ اچ آونڑاں چاہیدے ۔اساکوں اپنڑے گھر دا اختیار باہر نی ڈیونڑاں چاہیدا ۔گھر دے فیصلے گھر اچ کرنڑیںچاہیدن ۔ہنڑ جیرھا ایشو سامنڑے آئے ایندا قطعاً مقصد کائنی جو اساں کہیں ادارے دی اتھارٹی چیلنج کر یندے پیوں ،اساں صرف حقائق قوم دےے سامنڑے گھن آونڑ چاہندو ں۔ اساں اپنڑی واری بھوگ گھدی اے اگلی واری کہیں بے دی وی آ سگدی اے ۔اساں اداریں دا احترام کریندوں تے صرف قوم کوں حقائق ڈساونڑ چاہندوں۔ ملک دے عوام پارلیمنٹ کوں ڈیکھدی پئی اے۔