اسلام آباد ۔ 20 مئی (اے پی پی) وفاقی وزیر برائے نجکاری دانیال عزیز آکھے جو پاکستان مسلم لیگ (ن) ہمیشہ قومی اداریاں دا احترام اتے انہاں دی مضبوطی سانگے کم کیتے ، جڈانجو پاکستان تحریک انصاف دی قیادت ہمیشہ قومی اداریاں دے خلاف نازیبا اتے توہین آمیز زبان دا استعمال کیتے ۔ اتوار کوں ہک نجی ٹی وی چینل نال گالھ مہاڑ اچ انہاں الزام لایا جو پاکستان تحریک انصاف باہر دے پیسے نال چلدی پئی ہے اتے ایندے سربراہ عمران خان وی منی لانڈرنگ اچ ملوث ہن ۔ وفاقی وزیر دا آکھنڑ ہئی جو نجم سیٹھی جیہڑے جو پنجاب دے نگران وزیراعلیٰ ہن عمران خان 2013ءدے انتخابات اچ انہاں اُتے 35 پنکچرز دا الزام لایا جڈانجو بعد اچ ا و آپ ہی من گئے جو انہاں اے کوڑ الایا ہئی۔ دانیال عزیز دا آکھنڑ ہئی جو پاکستان مسلم لیگ (ن)دی حکومت ملکی معیشت کوں مضبوط بنڑاونڑ دے دہشت گردی اتے توانائی دی قلت سمیت بہوں سارے مسلیاں کوںحل کیتے اتے ملک کوں ترقی دے خوشحالی دے راہ اُت ٹور ڈتے ۔
