وزیراعظم شاہد خاقان عباسی دا کوئٹہ انٹرنیشنل ایئرپورٹ توسیع اتے تزئین و آرائش منصوبہ دی افتتاحی تقریب توں خطاب

کوئٹہ۔ 30 مئی (اے پی پی)وزیراعظم شاہد خاقان عباسی ’ بلوچستان دی ترقی کوں پاکستان دی ترقی آکھدیں ہوئیں آکھیا جو بلوچستان ساریاں توں خوشحال صوبہ بنڑنڑ دی صلاحیت رکھیندے ،مسلم لیگ(ن) دی حکومت بے مثال ترقیاتی منصوبے تے نہ صرف شروع کیتن جڈانجو انہاں کوں توڑ چاڑھیے ،امید اے جو مستقبل دی حکومتاں ترقی دے عمل کوں جاری رکھیسن۔پاکستان دی ترقی جمہوری سفر تے ٹرڈی پئی اے ۔اے گالھیں انہاں بدھ کوں کوئٹہ انٹرنیشنل ایئرپورٹ توسیع اتے تزئین و آرائش منصوبہ دی افتتاحی تقریب توں خطاب کریندیں ہوئیں آکھی۔وزیراعظم آکھیا جو 2013ءاچ برسراقتدار آئے تاں اساں پاکستان دے سارے ایئرپورٹ کوں جدید خطوط تے استوار کرنڑ دا فیصلہ کیتا،اج 2ارب روپے دی لاگت نال کوئٹہ ایئرپورٹ دی توسیع دا کم پورا تھی گئے جئیں نال کوئٹہ ایئرپورٹ تے ہنڑ 777طیارے وی لینڈ کر سگسن،اے ایئرپورٹ بلوچستان دی ترقی اچ اہم کردار نبھیسی اتے عوام کوں سہولت ملسی۔۔ وزیراعظم ’ گورنربلوچستان ، وزیراعلیٰ بلوچستان، وزیراعظم دے مشیر برائے ہوا بازی سردار مہتاب عباسی اتے سی اے اے ٹیم کوں مبارکبادڈیندیں ہوئیں آکھیا جو اے سہولت اتھاں دی عوام دا حق ہئی اتے اوندی لوڑھ ہئی ۔