اسلام آباد۔ 30 مئی (اے پی پی) اقتصادی رابطہ کمیٹی (ای سی سی) ’ وزیراعظم ایکسپورٹ پیکیج اچ ترائے سال ودھارے دی منظوری ڈے ڈتی اے۔اقتصادی کمیٹی دا اجلاس بدھ کوں وزیراعظم شاہد خاقان عباسی دی صدارت اچ وزیراعظم آفس اچ تھیا۔ کمیٹی ’ محکمہ پلانٹ پروٹیکشن (ڈی پی پی) اچ محدود انسانی وسائل اتے استعداد کار دے استحکام دے تناظر اچ ایس آر او 1067 (1)/2017 تے عملدرآمد بارے گالھ مہاڑ کیتی۔اجلاس اچ ڈی پی پی ولوں ملک دی بئی بندرگاہواں تے ہینڈلنگ دے کم دی نگرانی سانگے ضروری ٹیکنیکل استعدادکار دے نال مطلوبہ انسانی وسائل اچ ودھارے تئیں صرف کراچی بندرگاہ ، زمینی سرحد پوسٹ ایٹ سوسٹ، چمن، طورخم، تفتان، واہگہ، پشاور اتے کوئٹہ توں ایس آر او 1067 (1)/2017 دے تحت لسٹڈ مختلف اشیاءخوردونوش دی درآمددا فیصلہ کیتا گئیا۔اجلاس اچ ملکی برآمدات اچ ودھارے سانگے وزیراعظم ایکسپورٹ پیکیج دے اثرات تے غور کیتا گیا اتے آکھیا جو جو مراعاتی پیکیج توں مالی سال 2018ءاچ برآمدات اچ نشابر ودھارا تھیے جیڑھا جو مسلسل مالی سال 2014ءتوں گھٹکی دا شکار ہن ۔برآمدات تے مبینی پیداوار اچ مسابقت اتے مراعاتی سرمایہ کاری کوں بہتر بنڑاونڑ اتے پیداوار کوں برقرار رکھنڑ دے تناظر اچ ایکپسورٹ مراعاتی پیکیج جاری رکھنڑ دا فیصلہ کیتا گئے ۔
