اسلام آباد ۔ 27 مئی (اے پی پی) وزیراعظم شاہد خاقان عباسی گلگت بلتستان اچ مختلف ترقیاتی منصوبیں دے افتتاح سانگے اتوار کوں ہک ڈینھ دے دورے تے گلگت پجے۔ وزیر اعظم دا گلگت ائیر پورٹ تے گورنر میر غضنفر علی خان اتے وزیراعلیٰ حافظ حفیظ الرحمن سمیت بئے اعلیٰ حکام استقبال کیتا۔پاکستان ٹیلی ویژن مطابق وزیراعظم چنار گارڈن گلگت اچ یادگار شہدا تے حاضری ڈتی تے پھلاں دی چادر چڑھائی اتے گلگت بلتستان دی جنگ آزادی دے شہیداںدی روح کو دے ایصال ثواب سانگے فاتحہ خوانی کیتی۔ انہاں گلگت بلتستان قنون ساز اسمبلی دی بلڈنگ دا افتتاح کیتا۔ اسمبلی دی ا یہ جدید عمارت 91 کروڑ روپے دی لاگت نال بارہ سال اچ مکمل کیتی گی ہے۔ اپنڑے دورہ دے موقع تے وزیراعظم شاہد خاقان عباسی گلگت نلتر ایکسپریس وے منصوبے دا سنگ بنیاد روی رکھے۔ ا یہ منصوبہ2 ارب 60 کروڑ روپے دی لاگت نال ترائے سال اچ مکمل تھیسی۔ منصوبہ پورا تھیونڑ نال ڈوہائیں علاقیاں وچال سفر ڈو گھنٹے توںگھٹ تھی تے ادھ گھنٹہ ویسی،جیندے نال گلگت بلتستان اچ سیاحت دے شعبہ کوں ودھارا ڈیونڑ اچ مدد ملسی۔ وزیر اعظم شاہد خاقان عباسی گلگت بلتستان سیکرٹریٹ منصوبے دا سنگ بنیادوی رکھے ۔ اپنڑے دورہ دے موقع تے وزیراعظم گلگت بلتستان قنون ساز اسمبلی اتے گلگت بلتستان کونسل دے سانجھے اجلاس نال خطاب وی کریسن ۔
