اسلام آباد ۔26مئی (اے پی پی)وزیر اعظم شاہد خاقان عباسی ہفتہ کوں سکھر ، ملتان موٹروے (ایم 5) دا افتتاح کیتا۔سکھر ، ملتان موٹر وے سیکشن توں ملتان اتے شجاع آباد وچال سفری سہولتاں اچ ودھارا اتے آسانی تھیسی۔سکھر ملتان موٹروے کراچی ، لاہور موٹر وے منصوبے دا حصہ ہے جیرھا جوچین پاکستان اقتصادی راہداری منصوبے تحت تعمیر بنڑایا ویندا پئے ۔ منصوبے تے 2016ءاچ کم شروع کیتا گیا ہااتے ایہ 2019ءاچ پورا تھیسی۔ا یہ 06رویہ سڑک ہے جیرھی جو گھوٹکی ، رحیم یار خان ، صادق آباد اتے بہاولپور سمیت مختلف وڈے شہراں توں لنگھسی۔ ایہ سڑک صوبہ سندھ کوں صوبہ پنجاب نال ملاونڑ سانگے اہم کردار ادا کریسی۔ ایںمنصوبہ اچ پلاں ، انٹر چینجز اتے انڈر پاساں سمیت سروس ایریازدے علاوہ بئیاں سہولتاں وی شامل ہن ۔منصوبے د ااہم مقصد ایہ ہے جو مسافراں اتے سامان گھن ونجنڑ سانگے تکھی سفری سہولتاں ڈتیاں ونج جا سگن ، منصوبے دے پورا تھیونڑ نال ملک دے کئی وڈے معاشی اتے صنعتی مرکزاں دیاں سہولتاں اچ ودھارا تھیسی۔ موٹر وے دا ایہ منصوبہ نا صرف ماحول دی ترقی اچ مددڈیسی بلکہ ایندے نال ٹرانسپورٹ دے موجودہ بنیادی ڈھانچے دی ترقی وی تھیسی جیرھا جو قومی معیشت سانگے ڈھگ سارے فائدے گھن آوسی ۔منصوبہ پورا تھیونڑ نال ٹریفک دی روانی اچ چنگائی نال تیل دی بچت تھیسی جڈانجو ایندے نال ملک دے وڈے شہراں وچال فاصلے گھٹ کرنڑ اچ مدد دے علاوہ ٹریفک حادثیاں دی وجہ کنوں تھیونڑ آلے نقصاناں کوں وی گھٹ کیتا ونج جا سگسی۔
