اسلام آباد۔ 10 مئی(اے پی پی) قومی اسمبلی اچ آندے مالی سال 2018-19تے بجٹ تے بحث خمیس کوں وی جاری رہی جڈاں جو(اج) جمعے کوں وزیر خزانہ مفتاع اسماعیل بجٹ تے بحث سانبھ گھنسن۔ خمیس کوں قومی اسمبلی اچ جمعیت علماءاسلام (ف) دے رکن قاری محمد یوسف بجٹ تے بحث کریندے ہوئیں آکھیا جو ترکی اساں توں اگی تے نکل گے ۔ پاکستان دا عالم اسلام دے مسلیں تے رد عمل ساریں دے سامنڑے آونڑاں چاہیدے ۔انہاں آکھیا جو معیشت کوں سود توں پاک کیتا ونجنڑاں چاہیدے ۔بجٹ اچ مدارس سانگے فنڈز کائنی ۔سودی نظام دے خاتمے سانگے ایندے اچ کجھ وی کائنی کیتا گیا ۔کوہستان دی آبادی ہک تحصیل دے برابر وی کائنی تاں جو بٹ گرام دے کجھ علاقے ایندے اچ رلا تے صوبائی حکومت کوہستان کوں ضلع بنڑا ڈتے ،اے زیادتی اے وفاق ایندا نوٹس گھنے ۔
