اسلام آباد ۔ 2 مئی (اے پی پی) پاکستان کرکٹ بورڈ ولوں جاری پاکستان ون ڈے کرکٹ کپ اچ فیڈرل ایریا دی ٹیم سرفہرست اے جڈاں جو سندھ اتے بلوچستان دیاں ٹیماں بالترتیب ڈوجھے اتے تریجھے نمبر تے ہین۔ٹورنامنٹ اچ ملک دیاں پنج ٹیماں کھیڈدیاں پن جیندے اچ فیڈرل ایریا، سندھ، بلوچستان، خیبر پختونخوا اتے پنجاب شامل ہین۔فیڈرل ایریا دی ٹیم ترائے میچ کھیدنڑ توں بعد 6 پوائنٹس نال پوائنٹس ٹیبل تے سرفہرست اے۔ سندھ دی ٹیم ڈو میچ کھیڈ تے 2 پوائنٹس اتے بلوچستان ترائے میچ کھیڈ تے 2 پوائنٹس نال بالترتیب ڈوجھے اتے تریجھے نمبر تے ہین۔خیبر پختونخوا دی ٹیم چوتھی اتے پنجاب پنجویں پوزیشن تے اے۔خمیس آلے ڈینہہ فیڈرل ایریا اتے بلوچستان دا مقابلہ تھیسی جڈاں جو ٹورنامنٹ دا فائنل 6 مئی کوں کھیڈیا ویسی۔
