پاک فوج دے سربراہ جنرل قمرجاوید باجوہ نال نیپالی ہم منصب راجندرا چھتری دی ملاقات تھئی اے

راولپنڈی ۔ 16 مئی (اے پی پی) پاک فوج دے سربراہ جنرل قمرجاوید باجوہ نال نیپالی ہم منصب راجندرا چھتری راولپنڈی اچ ملاقات کیتی،نیپالی آرمی چیف ’ دہشتگردی دیخلاف جنگ ، خطے اچ امن تے استحکام سانگے پاک فوج دی قربانیاں دی تعریف کیتی اے۔آئی ایس پی آر ولوں آرمی چیف جنرل قمر جاوید باجوہ نال ملاقات اچ آپسی دلچسپی،فوجی تعاون،خطے دی سلامتی دی صورتحال اتے ڈو پاسہ دے تعاون کوں ودھاونڑ بارے اقدامات تے وی گالھ مہاڑ کیتی گئی اے۔ایں توں پہلے نیپالی آرمی چیف کوں جی ایچ کیو راولپنڈی پجنڑ تے گارڈ آف آنر ڈتا گئیا اتے انہاں شہیداں دی یادگار تے پھل وی چڑھائے ۔