لاہور۔4 مئی(اے پی پی ) پنجاب اسمبلی پہلی توں ڈاہویں تئیں قرآن دی تعلیم لازمی قرار ڈے ڈتی اے۔ ، لاﺅڈ سپیکر ایکٹ ترمیمی بل2018ءوی متفقہ طور تے منظور کر گھدا گئے، ڈوجھے پاسو وزیر قانون رانا ثنا اللہ تریمتیں بارے ریمارکس تے معافی منگنڑ توں انکار کر ڈتے۔پنجاب اسمبلی دے اجلاس اچ ترائے محکمیاں زراعت، سکولز ایجوکیشن اتے ہائر ایجوکیشن بارے سوالاں دے جوابات ڈتے گین۔وقفہ سوالات توں بعد تحریک انصاف دے رکن اسمبلی میاں اسلم اقبال ولوں سرکاری افسران دی ایوان اچ غیر حاضری بارے نکتہ اعتراض تے اسپیکر سونوار ہک وجے پنجاب دے سارے سرکاری محکمیاں دے سربراہان کوں سڈ گھدے۔اپوزیشن رکن اسمبلی ڈاکٹر نوشین حامد آکھیا جو پی ٹی آئی دیاں تریمتیں بارے ریمارکس تے راناثنا اللہ توں وضاحت منگی ونجے اتے معافی منگائی ونجے۔ ایندے تے صوبائی وزیر قانون رانا ثناءاللہ آکھیا جو میڈی 20منٹ دی میڈیا نال گالھ مہاڑ کوں ودھا چڑھاتے پیش کیتا گئے، میں اپنڑے الفاظ ولا گھدن بھل میں ایوان اچ اینجھی کوئی گالھ نئین کیتی جیندے تے معافی منگنڑی پووے،اپوزیشن کولوں جو کجھ تھیندے کر گھنے میں ایوان اچ لفظ”Sorry“دا ”ایس “وی نہ آکھساں۔قائد حزب اختلاف میاں محمود الرشید آکھیا جیکر وزیر قانون معذرت کر گھنسن تاں کوئی شان اچ گھاٹا نہ آسی بھل وزیر قانون دے بیان تے ڈیسک وجاونڑ کوئی چنگی گالھ نئیں ۔
