اسلام آباد ۔ 13 مئی (اے پی پی) چیئرمین سینیٹ محمدصادق سنجرانی سی پی این ای دے نویںمنتخب تھیونڑآلے صدر عارف نظامی ،سیکرٹری جنرل ڈاکٹر جبار خٹک ،سینئر نائب صدر امتنان شاہد اتے بئے عہدیداراں کوں انہاں دے انتخاب تے مبارخباد ڈتی ہے۔ محمدصادق سنجرانی آکھیے جو انہاں کوںوڈی امید ہے جو سی پی این ای دے نویںمنتخب عہدیداراخباری صنعت دے مسلیں دے حل سانگے اپنڑاں کر دارادار کریسن۔ انہاں آکھیا جو سارے نویں منتخب عہدیدار آزادی صحافت ،جمہوری اقدار دے ودھارے اتے ملکی ترقی سانگے کردار ادا کرن۔ڈپٹی چیئرمین سینیٹ سلیم مانڈوی والا،سینیٹ اچ قائد ایوان سینیٹر راجہ محمد ظفرالحق اتے قائد حزب اختلاف سینیٹر شیری رحمان وی سی پی این ای دے نومنتخب عہدیداراں کوں مبارخباد ڈیندے ہوئیں آکھیے جو جوصحافت دا شعبہ معاشرے دے مسائل اجاگر کر تے اپنڑاںاہم کردار ادا کر یندے۔انہاںتوقع ظاہر کیتی جوسی پی این ای دے نویں منتخب تھیونڑ آلے صدر عارف نظامی ، سیکرٹری جنرل ڈاکٹر جبار خٹک ، سینئرنائب صدر امتنا ن شاہد اتے بئے عہدیدار صحافت دے چنگے کردار دے ذریعے ملکی ترقی دے عمل اچ سرگرم رہسن۔
