نرسنگ دا شعبہ صحت دے نظام اچ کلیدی حیثیت رکھیندے، وفاقی وزیر صحت محمد یوسف شیخ

اسلام آباد ۔ 27 جون (اے پی پی) وفاقی وزیر صحت محمد یوسف شیخ ہک بیان اچ آکھیے جو نرسنگ دا شعبہ صحت دے نظام اچ کلیدی حیثیت رکھیندے تے نرس صحت دے ودھارے ،بیماری کوں روکنڑ تے علاج اچ اہم کردار اداکریندیاں ہن ،۔صحت دے پیشہ وراں دے طور تے جیرھی کمیونٹی دے نیڑے ہوندن او کمیونٹی دی بنیاد ڈیکھ بھال دے نویں ماڈل کوں رائج کرنڑ ،صحت دے ودھارے تے بیمار ی روکنڑ اچ اہم کردار ادا کریندن ،ایں تناظر اچ حکومت نرسنگ فورم قائم کریندی پئی اے ،جیرھا اسلام آباد اچ وزارت قومی صحت سروسز ریگولیشنز اینڈ کوآرڈی نیشن اچ قائم تھیسی ،وزارت فورم کوں کم سانگے ہک پلیٹ فارم ڈیسی تے پالیسیاں دی تشکےل وسےع تر مشاورت دے بعد کیتی ویسی ۔انہاں آکھیا جو فورم ملک اچ نرساں دے سٹیٹس کوں مزےد بلند کرتے صحت دے شعبے کوں بہتر بنڑیسی ،پالیسی سازی اچ نرساں کوں شامل کیتا ویسی ،گلوبل تحریک دے تربیت، تعمیر ،نرساں کوں رول ماڈل تے راہنمائی سانگے حصہ بنڑاونڑ ،تریمتیں کوں نرسنگ دے شعبے اچ شامل تھیونڑ تے ایندے ودھارے سانگے اقدامات کیتے ویسن ،وفاقی وزیر آکھیا ایں پروگرام کوں عملی شکل ڈیونڑ سانگے وختی سٹیک ہولڈرز دی قومی میٹنگ سڈی ویسی ایندے علاوہ ہر سطح تے صوبائی اجلاس وی منعقد کیتے ویسن ۔