نگران وزیر خزانہ ڈاکٹر شمشاد اختر ایف بی آرتوں مختلف ایمنسٹی سکیماں اتے ٹیکس ری بیٹ دے مجموعی محصولات دے اہداف تے اثرات دی رپورٹ منگ گھدی

اسلام آباد ۔ 6 جون (اے پی پی) نگران وزیر خزانہ، ریونیو، اقتصادی امور، شماریات و منصوبہ بندی ڈاکٹر شمشاد اختر ایف بی آرتوں مختلف ایمنسٹی سکیماں اتے ٹیکس ری بیٹ دے مجموعی محصولات دے اہداف تے اثرات دی رپورٹ منگ گھدی اے۔رواں مالی سال 2017-18ءکیتے فیڈرل بورڈ آف ریونیو دی کارکردگی دے جائزہ اجلاس دی صدارت کریندے ہوئیں نگران وزیر خزانہ ڈاکٹر شمشاد اختر ٹیکس ریونیو اہداف دیاں وصولیاں یقینی بنڑاونڑ دی ہدایت کیتی۔چیئرمین ایف بی آر طارق محمود پاشا ڈسایا جو جی ڈی پی اچ ٹیکس شرح جیہڑی 2012-13ءاچ 8.7 فیصد ہئی،ودھ تے 2017-18ءاچ 12.4 فیصدتھی گئی اے۔ایویں ہی گوشوارے جمع کراونڑ دی تعداد 14 لکھ تئیں پُج چکی اے جڈاں جو 300 ارب روپے دے ایس آر اوز ختم کیتے گین۔انہاں ٹیکس دہندگان دی سہولت اتے ریفنڈزسانگے اقدامات بارے وی ڈسایا۔ وزیر خزانہ ملک دی مجموعی اقتصادی صورتحال اتے ایف بی آر دی اہمیت تے گالھ مہاڑ کیتی اتے ملکی ترقیاتی منصوبیاں کیتے مالی ضروریات پوری کرنڑ کیتے جی ڈی پی اچ ٹیکس شرح ودھاونڑ دی لوڑھ اے۔ انہاں ایف بی آردے چیئرمین توں سابق حکومت ولوں مختلف ایمنسٹی سکیماں اتے ٹیکس ری بیٹ دے مجموعی محصولات دے اہداف تے اثرات بارے رپورٹ منگی۔