نگراں وزیر اطلاعات دے زیر صدارت اعلیٰ سطح اجلاس،50 کروڑ روپے دے انڈومنٹ فنڈ کیتے ایگزیکٹو کمیٹی دی منظوری

اسلام آباد ۔ 14 جون (اے پی پی) نگراں وفاقی وزیر اطلاعات ونشریات وقومی ورثہ بیرسٹر سید علی ظفرپنجاہ کرور روپے دے انڈوومنٹ فنڈ کیتے چار رکنی ایگزیکٹو کمیٹی دی منظوری ڈتی اے جیندی اگوانڑی وفاقی سیکریٹری قومی تاریخ وادبی ورثہ ڈویڑن انجینئر عامر حسن کریسن۔کمیٹی انڈومنٹ فنڈزدے شفاف استعمال، ملک اچ علمی، ادبی اتے تاریخی ورثہ دیاں سرگرمیاں ، منصوبیاں دی نشاندہی، رقوم دی فراہمی دی ذمہ و ار ہوسی۔ وفاقی وزیر بیرسٹر سید علی ظفر قومی تاریخ وادبی ورثہ ڈویڑن اچ ہک اعلیٰ سطح اجلاس دی اگوانڑی کریندے ہوئیں ایگزیکٹو کمیٹی بنڑاونڑ دے حکمنامے تے دستخط کیتے۔ کمیٹی ارکان اچ ممتاز صحافی حمید ہارون، اعجاز رحیم، پروفیسر ڈاکٹر اشرف اتے لکھاری مشرف علی فاروقی شامل ہین۔ایں پروگرام دا آغاز اسلام آباد اچ تھیسی۔ایں موقع تے وزیر اطلاعات لکھاریاں کیتے سالانہ پروگرام بنڑاونڑ،علمی وادبی سرگرمیاں بلا تعطل جاری رکھنڑ دے نال نال اسلام آباداچ قومی میوزیم دی تعمیر کیتے کم تیز کرنڑدی ہدایت کیتی۔