ویلھے تے پرامن اتے شفاف انتخابات کراونڑ کیتے پورا زور لاءڈیسوں، وفاقی وزیر اطلاعات ونشریات بیرسٹر سید علی ظفر

اسلام آباد ۔ 21 جون (اے پی پی) وفاقی وزیر اطلاعات،نشریات،قانون،انصاف و پارلیمانی امور بیرسٹر سید علی ظفرآکھیے جو ویلھے تے پرامن اتے شفاف انتخابات کراونڑ کیتے پورا زور لاءڈیسوں،نیب ولوں نوازشریف اتے مریم نواز دا ناں ای سی ایل اچ پاونڑ دی درخواست تے غور کیتا ویندا پئے،انتخابات تے اثرانداز تھیونڑ دی شکایت تے گورنر سودھے کہیں کوں وی ہٹایا ونج سگدے،زلفی بخاری دا ناں ای سی ایل تے نئیں بلیک لسٹنگ اچ ہا۔ اے گالھ انہاں اسلام آباد اچ اسلام آباد ہائیکورٹ دا دورہ کرنڑ تون بعد میدٰا نال الویندے آکھی۔ انہاں آکھیے جو نگران حکومت اپنڑے مینڈیٹ دے مطابق شفاف، پر امن اتے ویلھے تے انتخابات یقینی بنڑیسی، ایں سانگے صوبیاں اچ سابقہ حکومتاں ولوں بیوروکریسی اچ کیتاں گیاں تقرریاں اچ تبدیلیاں کیتاں گین،جیکر کتھائیں انتخابات اچ اثر انداز تھیونڑ ، غیر شفافیت یا جانبداری دا سوال آوے تاں اوندے اتے شواہد دی بنیاد تے ایکشن گھندے ہوئیں گورنر سودھے کہیں کوں وی ہٹایا ونجنڑاں چاہیدے، ایندا مقصدہر لحاظ نال غیر جانبدارانہ الیکشن یقینی بنڑاونڑ اے،ایں سانگے میڈیا کوں تفصیل نال باخبر رکھیسوں۔زلفی بخاری دے حوالے نال بیرسٹر علی ظفر دا آکھنڑ ہا جو زلفی بخاری دا ناں ای سی ایل تے نئیں بلیک لسٹ تے ہا،جیندا ناں ای سی ایل تے ہا وی کوئنا اوندے بارے کابینہ کیا فیصلہ ڈیونڑا ہا؟ اے فیصلہ کابینہ کریندے اے جو کیندا ناں ای سی ایل اچ پاونڑے یا کڈھنڑے۔انہاں آکھیے جو نیب نواز شریف اتے مریم نوازدا ناں ای سی ایل اچ پاونڑ دی درخواست کیتی اے ایندے تے نگران وزیراعظم دی سربراہی اچ ہک کمیٹی بنڑائی گئی اے جیندے اچ نگران وزیر داخلہ ،وزیر اطلاعات،نشریات و قانون و انصاف اتے وزیرخزانہ شامل ہین، اے کمیٹی این معاملے تے غور کریندی پئی اے۔وفاقی وزیر سید علی ظفرآکھیے جو انتخابات دے دوران سیکورٹی تے سمجھوتہ نہ کریسوں ، نگران حکومت میڈیا رپورٹس تے وی ضروری اقدامات کریندی پئی اے۔