پاکستانیاں سانگے روزگار دے موقع تے ودھارے سانگے باہرلے ملک خاص طور تے خلیجی خطہ اچ حکومتاں تے متعلقہ محکمے نال رابطے استوار کیتے ویسن ، جسٹس (ر) ناصر الملک

اسلام آباد ۔ 28 جون (اے پی پی)نگران وزیر اعظم جسٹس (ر) ناصر الملک وزارت سمندر پار پاکستانیز اتے انسانی وسائل ترقی کوں ہدایت کیتی اے جو پاکستانی کارکناں سانگے روزگار دے موقع اچ ودھارے سانگے باہرلے ملکاں خاص طور تے خلیجی خطہ اچ حکومتاں تے متعلقہ محکمے نال رابطے استوار کیتے ونجن ۔ انہاں اے ہدایت خمیس کوں وزارت سمندر پار پاکستانیز اتے انسانی وسائل ترقی دے امور کار بارے بریفنگ دی صدارت کریندے ہوئی ڈتی ۔بریفنگ اچ وفاقی وزیر محمد اعظم خان، سیکرٹری وزارت سمندر پار پاکستانیز و انسانی ترقی ڈاکٹر محمد ہاشم پوپلز ئی، چیئرمین قومی صنعتی تعلقات کمیشن جسٹس (ر) شاکر اللہ جان تے وزارت دے سینئر حکام شرکت کیتی ۔ سیکرٹری سمندر پاکستانیز ڈاکٹر محمد ہاشم پوپلزئی وزارت اتے ایندے ذیلی ذیلی محکمے دی کارکردگی تے کامیابیاں بارے اچ تفصیلی بریفنگ ڈتی ۔ 2013ءتوں 2018ءتئیں دے عرصے دے دوران حاصل تھیونڑ آلیاں کامیابیاں بارے ڈسایا گیا جو25ترقیاتی منصوبیں دی تکمیل دے علاوہ ملک دیاں مختلف صنعتاں اچ کم کرنڑ آلے محنت کشاں دی بہبود سانگے 30082 شادی گرانٹس، 6683 ڈیتھ گرانٹس،62981 وظائف اتے 447194 پنشن ڈتیاں گیاں ۔ اجلاس کوں ڈسایا گیا جو کارکناں تے سمندر پار پاکستانیاں دی بہود سانگے سارے ملک اچ 24 تعلیمی ادارے کم کریندے پن۔ ایندے علاوہ رہائش اتے صحت دیاں سہولتاں ڈتیاں ویندیاں پن ۔ صوبیں کوں اختیارات دی منتقلی نال پیداتھیونڑ آلے ایشوز تے وی غور کیتا گے ۔ وزیر اعظم کوں ڈسایا گیا جو 2009توں 2018ءدے عرصے دے دوران ہنر مند اتے غیر ہنرمند لوک قوت دے طور تے 10.2 ملین سمندر پار پاکستانیاں باہرلے ملک خاص طور تے خلیجی ملک گن ۔