اسلام آباد ۔ 19 جون (اے پی پی)پورے ملک اچ قومی و صوبائی اسمبلیاںدے امیدواراں دے کاغذات نامزدگی دی پڑتال مکمل تھی گئی۔الیکشن کمیشن ولوںانتخابی شیڈول دے مطابق قومی اتے صوبائی اسمبلیاں دے امیدواراں دے کاغذات نامزدگی جمع کراونڑ دی آخری تاریخ 11 جون ہئی جیندے بعد کاغذات نامزدگی دی جانچ پڑتال دا عمل شروع تھئے۔ اے مرحلہ 19 جون کوں مکمل تھئے جیندے بعد 22 جون تئیں امیدواران ریٹرننگ افسران دے فیصلیاں دے خلاف اپیل کر سگسن اتے ایپلٹ ٹربیونل 27 جون تئیں ریٹرننگ افسران ولوں کاغذات نامزدگی منظور یا مسترد تھیونڑ دے خلاف اپیلاں دی سماعت کریسن۔28 جون کوں امیدواراں دی نظرثانی شدہ فہرست لائی ویسی۔ 29 جون تئیں امیدوار کاغذات واپس گھن سگسن اتے اوں ڈیہنوارقومی اتے صوبائی اسمبلیاں دے انتخابات اچ حصہ گھنڑ آلے امیدواراں دی حتمی فہرست شائع کیتی ویسی۔ 30 جون کوں امیدواراں کوں انتخابی نشانات الاٹ کیتے ویسن۔

ایں بارے بے مضامینلکھاری ولوں بیا