اسلام آباد ۔ 3 جون (اے پی پی) قومی احتساب بیورو دے چئیرمین جسٹس (ر) جاوید اقبال آکھے جو نیب ہک آئینی ادارہ ہے جیندے افسران قنون اتے قواعد مطابق اپنڑے فرائض سرانجام ڈیندے پن، 10اکتوبر 2017 کو ںاپنڑے عہدے دیاں ذمہ داریاں سانبھنر دے بعدنیب دی کارکردگی کوں بیا چنگا کرنڑ سانگے کہیں دباﺅ اتے سفارش کوں خاطر اچ نہ گھندے ہوئیں خلوص اتے نیک نیتی نال نیب اچ جتھاں صرف کم اتے کم دے کلچر کوں فروغ ڈتا اتھاں نیب افسران/ اہلکاراںکو ںاپنڑے کم دی رفتار چئیر مین نیب دے کم دی رفتار مطابق ودھاونڑ دی ہدایت کیتی تاں جو پاکستان توں بدعنوانی مکاونڑ سانگے عملی اقدامات کیتے ونج جا سگن۔ نیب ولوں جاری پریس ریلیز مطابق چئیر مین نیب دی عملی کوششاں اتے احتساب ” سبھ سانگے“ دی پالیسی تحت ہنڑ تئیں دے مختصر عرصہ اچ نیب 10اکتوبر 201 دے بعد 300بندیاں کوں گرفتار کیتا جڈانجو 71شکایتان دی گول پھرول، 44انکوائریاں، 34انوسٹی گیشناں دی قنون، میرٹ اتے ثبوتاں کوں مد نظر رکھیندے ہوئیں منظوری ڈتی جنہاں تے قنون مطابق کم جاری ہے۔ نیب مختصر وقت اچ بدعنوانی دے 240ریفرنس متعلقہ احتساب عدالتاں اچ نہ صرف دائر کیتے بلکہ 35ملزماں کوں متعلقہ معزز احتساب عدالتاں قنون مطابق وی ڈتی ،جیرھا جو نیب دی گھٹ عرصے اچ شاندار کار کردگی دی عکاسی کریندے۔ چئیرمین نیب آکھیا جو نیب کہیں بندے توںذاتی اتے سیاسی انتقام گھنڑ تے یقین نی رکھیندا اتے نہ ہی نیب داالیکشن نال کوئی تعلق ہے ۔ نیب ہک آئینی ادارہ ہے جیندے افسران قنون اتے قواعد مطابق اپنڑے فرائض سرانجام ڈیندے پن ۔ انہاں آکھیا جواساںکرپشن فری پاکستان سانگے پر عزم ہسے۔ اساڈہ ارادہ بدعنوانی مکاونڑسانگے نہ صرف نیب بلکہ پوری قوم دی آواز ہے۔ چئیرمین نیب آکھیا جو اساں سارے رل مل تے اپنڑے سوہنڑے ملک پاکستان کوں کرپشن توں پاک کرنڑ اچ کامیاب تھی ویسوں۔
