الیکشن کمیشن آف پاکستان عام انتخابا ت2018کیتے ضابطہ اخلاق جاری کرڈتے،انتخابی مہم کیتے پوسٹرز ،بینرزدے سائز مقرر، غیر متعلقہ شخصیات دیاں تصویراں لاونڑ تے پابندی

اسلام آباد ۔ 20 جون (اے پی پی)الیکشن کمیشن آف پاکستان عام انتخابا ت2018کیتے ضابطہ اخلاق جاری کرڈتے۔ ضابطہ اخلاق دے مطابق کہیں وی تشہیری مواد اچ ضابطہ اخلاق دی کوئی وی خلاف ورزی برداشت نہ کیتی ویسی، ایں سانگے انتخابی مہم کیتے پوسٹرز ،بینرز دے سائز مقررکیتے گین جیندے تے غیر متعلقہ شخصیات دیان تصویران وی نہ لائیان ونج سگسن۔ ہرقسم دے پینا فلیکس اتے ہورڈنگ تے وی پابندی ہوسی۔سیاسی جماعتاں اتے امیدواراں کوں خبردار کیتاگئے جو او انتخابی ضابطہ اخلاق دی پاسداری کرن ۔ خلاف ورزی دی صورت اچ مقررہ متعلقہ حکام اتے مانیٹرنگ ٹیماں سخت کارروائی کریسن ۔