اسلام آباد ۔ 15 جون (اے پی پی)الیکشن کمیشن آندے عام انتخابات کیتے ضابطہ اخلاق جاری کرڈتے ۔اے ضابطہ اخلاق سیاسی جماعتاں ، امیدواراں، انتخابی ایجنٹاں اتے پولنگ ایجنٹاں کیتے اے۔ضابطہ اخلاق دے تحت سیاسی جماعتاں،امیدوار ، امتخابی اتے پولنگ ایجنٹ لوکاں دی آزادی اتے حقوق دی پاسداری کریسن جیندی آئین اتے قانون اچ ضمانت ڈتی گئی اے۔ضابطہ اخلاق موجب متعلقہ فریقاں کوں انتخابات سے شفاف اتے پر امن انعقاد کیتے الیکشن ایکٹ 2017 دے مطابق پبلک آرڈر بر قرار رکھنڑ دی ہدایت کیتی گئی اے۔سیاسی جماعتان کوں پابند کیتا گئے جو او تریمتیں اتے جواناں ڈوہاں طبقیاں کوں ووٹ پاونڑ دی ہکو جھیں آزادی ڈیسن۔
