اسلام آباد ۔03 جون (اے پی پی) الیکشن کمیشن سپریم کورٹ دے فیصلے دے بعد ترمیم شدہ انتخابی شیڈول جاری کرڈتے۔ پولنگ شیڈول دے مطابق 25جولائی کو ں ہی تھیسی۔ الیکشن کمیشن ولوں جاری ترمیم شدہ شیڈول مطابق کاغذات نامزدگی 4جون(سونوار)توں 8جون تئیں جمع کرائے ویسن۔8جون کوں امیدواروں دی ابتدائی جاری کیتی گئی لسٹاں لاتیاں ویسن۔ایں توں پہلے جاری شیڈول مطابق کاغذات نامزدگی 2جون توں 6جون تئیں جمع کیتے ونجنڑے ہن ،تاں جو لاہور ہائی کورٹ ولوں کاغذات نامزدگی دے حوالے نال پٹیشن تے ڈتے گئے فیصلے دے بعد انہاں دی وصولی روک گھدی گئی۔ سپریم کورٹ اتوار کوں لاہور ہائی کورٹ دا فیصلہ معطل کر ڈتا جیندے بعد ہنڑ کاغذات نامزدگی وصول کرنڑ دی تریخ دی تبدیلی دے علاوہ باقی ساری کارروائی پہلے توں جاری کیتے گئے شیڈول مطابق ہوسی۔ ریٹرننگ آفیسراں ولوں امیدواراں دے کاغذات نامزدگی دی گول پھرول 14جون تئیں تھیسی ۔ ریٹرننگ آفیسراں ولوں امیدواراں دے کاغذات نامزدگی منظور یا مسترد کیتے ونجنڑ دے خلاف اپیلاں19جون تئیںدائر کیتیاں ونج جا سگسن۔ ایپلٹ ٹریبونلز ولوں انہاں اپیلاں تے فیصلے 26جون تئیں کیتے ویسن ۔27جون کو ںامیدواراں دی نظرثانی شدہ فہرست جاری کیتی ویسی۔امیدواراں ولوں کاغذات نامزدگی 28جون کوں واپس گھدے ویسن ۔امیدواراں دی فائنل لسٹ وی 28 جون کوںہی جاری کیتی ویسی۔ امیدواراں کوں انتخابی نشان 29جون کوں الاٹ کیتے ویسن۔پولنگ 25جولائی کوں تھیسی۔
