اسلام آباد ۔ 29 جون (اے پی پی) الیکشن کمیشن عوام دی سہولت پاروں پولنگ دے اوقات کار سویل 8وجے توں شام 6 وجے تئیں مقرر کر ڈتن ۔ الیکشن کمیشن ولوں جمعے کوںجاری پریس ریلیز دے مطابق 25 جولائی کوں تھیونڑ آلے عام انتخابات اچ ووٹراں کوں ودھ توں ودھ سہولت دے پیش نظر پولنگ دا وقت ہک گھنٹہ ودھا ڈتے ۔پولنگ سویل 8وجے شروع تھی تے شام 6وجے مک ویسی ۔ایندا مقصد انتخابی عمل اچ عوام دی ودھ توں ودھ شرکت کوں یقینی بنڑاونڑاں ہے ۔
